Nganjëherë prindërit dhe fëmijët nuk e dinë më si të jetojnë së bashku.

Adoleshentët :

• mendojnë se prindërit u bëjnë pyetje mbi shkollimin e tyre dhe jo se si ndihen ata
• besojnë se askush nuk i merr seriozisht
• mendojnë se prindërit janë bërë vetëm për të qortuar,dhe nuk janë kurrë të kënaqur
• do të dëshironin që prindërit të tregojnë interes për ta

Prindërit nuk kuptojnë se :

• adoleshenti nuk flet më, dhe befas ai nuk rresht së foluri
• një vërejtje e vogël dhe ai/ajo ikën duke përplasur derën e dhomës së tij/saj.
• vajza apo djali i tyre flet duke bërtitur. Prindërit kanë përshtypjen se nuk respektohen
• adoleshenti nuk flet më dhe mbyllet në vetvete

Gjëja më e rëndësishme është të ruani komunikimin. Të flisni për ç’ka po ndodh.  Trokisni në derën e dhomës së tyre dhe pyeteni si janë. Përfitoni nga momentet e përbashkëta, për shembull : kur jeni në tavolinë duke ngrënë, në veturë, diskutoni për gjërat e jetës së përditshme, dëgjoni eksperiencat e tyre mbi lojrat në internet. Adoleshentëve u pëlqen kur të tjerët interesohen për pasionet, muzikën, lojrat e tyre.